- Tíðindi, mentan og ítróttur
Ein Airbussur afturat um tvey ár
<p>Klokkan 16 stundisliga setti nýggja Airbus-flogfarið hjá Atlantsflogi seg fyrstu ferð í Vágum. Flogfarið, sum er serbygt til Føroya-rutuna, er loftvegis flaggskipið hjá okkara tjóðarflogfelag.</p><div>Í løtuni er móttøka á flogvøllinum fyri nýggja flogfarinum. Røður verða hildnar, og Sørvágs Tónleikarfelag spælir.</div><div><br></div><div>Johan Dahl, landsstýrismaður, nevndi í síni røðu, at ferðafólkatalið í Vágum er vaksið 215 ferðir, síðani reglulig rutufugving tók seg upp í 1963. Tað árið flugu 946 ferðafólk, men í fjør komu og fóru 203.497 fólk.</div><div><br></div><div>Magni Arge, stjóri í Atlantsflogi, sigur, at hetta er heimsins besta flogfar, tá ið ræður um at flúgva upp á Føroyar. </div><div><br></div><div>- Hetta hevur verið ein strævin og spennandi tilgongd, men nú verður farið víðari, og gongst sum ætlað hevur Atlantsflog eitt Airbus-flogfar aftrat í flotanum longu um tvey ár, sigur stjórin í Atlantsflogi.</div><div><br></div><div>Atlantsflog hevur í hesum døgum 24 ár á baki. Flogfelagið fleyg fyrsta túrin úr Vágum til Keypmannahavnar 28. mars í 1988 við flogfarinum, ið var av slagnum British Aerospace 146, og júst henda dagin í ár - tað er á sjálvum 24 ára degnum - fer nýggja Airbus-flogfarið sín fyrsta túr til Keypmannahavnar.</div><div><br></div><div><br></div><div><br></div><div><div><div><br></div><div><br></div></div></div>
