- Tíðindi, mentan og ítróttur
Útróðrarmenn harta fiskivinnupolitikkin
<div>Seinastu tíggju árini er botnfiskaveiðan minkað 15 prosent. Virðið á fiskinum er samstundis minkað 35 prosent.</div><div><br></div><div>- Men tað er serliga útróðurin, sum hevur mist, siga sjey útróðrarmenn í brævi til Vinnunevndina hjá løgtinginum og makrelbólkin hjá landsstýrinum.</div><div><div><br></div><div>Í 2001 var parturin hjá útróðrarflotanum av botnfiskaveiðuni 24 prosent, í 2010 var hann 12,5 prosent. </div><div><br></div><div>Teir sjey útróðrarmenninir finnast at fiskivinnupolitikkinum, sum sambært teimum hevur slept útróðrinum upp á fjall. </div><div><br></div><div>Avgerðir verða tiknar so hissini í hvørjum einstøkum føri. Talan er ikki um ein greiðan fiskivinnupolitikk. Heldur ræður politiska styrkin hjá skipabólkunum, sum venda sær til landsstýrið og biðja um sømdir. Endamálið hjá fiskivinnupolitikkinum er ikki at gera hóskandi karmar fyri allar bólkar. Og í hesari gongdini er útróðurin vorðin ein doyggjandi restbólkur, siga útróðrarmenninir. </div><div><br></div><div>Orsøk er at spyrja, um fiskivinnupolitikkurin byggir á heimildir ella politiskt treytað handalag. Tað sleppur at standa sína roynd, nú makrelurin skal býtast í ár, siga útróðrarmenninir. </div><div><br></div><div>Útróðrarflotin hevur sent Fiskimálaráðnum umsókn um at sleppa at fiska makrel í ár. Tíðin er komin, at politiski myndugleikin hevur seg upp frá og í dialogi við allar skipabólkar orðar ein langtíðarhaldføran fiskivinnupolitikk við støði í einari heildarvisjón um lutin hjá fiskivinnuni, eisini samanspælinum millum skipabólkar og tilfeingi. </div><div><br></div><div>Visjónin skal fyrisitast grundað á eina dynamiska heldur enn statiska fatan av havvistskipanini, siga teir sjey útróðrarmenninir í brævinum til politikararnar.</div></div>
