- Tíðindi, mentan og ítróttur
Eftirlønarlógin: Hoyringarfreist mánadagin
<div>Uppskotið til nýggja eftirlønarlóg hevur verið í hoyring síðan 21.
mars. Hoyringarfreistin varð upprunaliga til 4. apríl, men stóru fakfeløgini gjørdu vart við, at
freistin var ov stutt. Hoyringarfreistin varð sett til <b>mánadagin 16. apríl 2012</b>. </div><div><p class="MsoNormal">Við í arbeiðnum at
smíða eftirlønarlógina er ein politiskur fylgibólkur við umboðum úr øllum
flokkum á tingi. Tá hoyringarfreistin er úti, verður hesin tvørpolitiski
fylgibólkur kallaður saman aftur at arbeiða víðari við uppskotinum og at
viðgera innkomnu hoyringsskrivini.</p><p class="MsoNormal">Eftirlønarlógin,
sum ætlanin er at fáa samtykta í vár, er sjálvur hornasteinurin undir
Pensjónsnýskipanini. Eftirlønarlógin fer, saman við restini av
Pensjónsnýskipanini, sum landsstýrið ætlar at leggja fyri tingið í heyst at
tryggja, at almenni búskapurin fer at kunna bera tær øktu útreiðslurnar, vaksandi talið av eldri borgarum fer at hava við sær. Verður pensjónsnýskipan
ikki framd er vandi fyri, at føroyska vælferðin versnar munandi næstu
20-40 árini, tí skattatrýstið hækkar og almenna tænastustøðið lækkar.</p><p class="MsoNormal">Eftirlønarlógin áleggur øllum millum 21
og 67 ár, sum hava tilknýti til arbeiðsmarknaðin, at rinda til egna
eftirløn. Í fyrsta umfari verður einans talan um 1% av lønini, sum skal rindast
til eftirløn. Men næstu 15 árini er ætlanin, at hesin partur skal hækka upp í
15%. Fyri at tryggja, at uppsparingin verður brúkt til eftirløn, hevur
Eftirlønarlógin eisini ásetingar um, hvussu eftirløn skal verða útgoldin. </p><p class="MsoNormal">Ætlanin er, at
Eftirlønarlógin skal koma í gildi 1. januar 2013.</p></div>
