- Tíðindi, mentan og ítróttur
Freistin at bjóða upp á Marknagil aftur longd
<div>Eftir hvøssu atfinningarnar frá føroysku byggivinnuni móti útbjóðingartilfarinum í sambandi við Marknagilsdepilin avgjørdi byggiharrin, Landsverk, at leingja freistina at bjóða upp á tær átta stórarbeiðstøkurnar til 21. mai klokkan 14 - tað er seinnapartin.</div><div><br></div><div>Men hendan freistin er nú aftur longd. </div><div><br></div><div>Síðst í mars mánaði endaði málið um útbjóðingartilfarið, sum føroyska handverksvinnan skírir at vera ógreitt og torskilt, á borðinum hjá landsstýrismanninum í mentamálum. </div><div><br></div><div>20.apríl var støðan framvegis so mikið fastløst, at Føroya Handverksmeistarafelag mælti sínum limum frá at bjóða upp á arbeiðini. </div><div><br></div><div><b>Má rættast</b></div><div><br></div><div>Handverksmeistarafelagið - sum umboðar 15 av teimum 21 fyritøkunum, ið eru undangóðkendar at bjóða uppá arbeiðið - gjørdi greitt í brævi til Landsverk, at breið semja er í vinnuni um, at útbjóðingartilfarið í sambandi við Marknagilsdepilin má rættast.</div><div><br></div><div>Endin var, at longda freistin at bjóða upp á stórarbeiðstøkurnar varð longd einaferð afturat - hesa ferð til 21. mai klokkan 14.</div><div><br></div><div>Heini Trond Hansen, verkætlanarleiðari hjá Landsverki fyri stóru byggiætlanina í Marknagili, váttar fyri útvarpinum, at freistin at lata tilboðini inn er longd - "fyribils til 30. mai."</div><div><br></div><div>Hann vil í løtuni ikki at útgreina, hví freistin at bjóða aftur er longd - annað enn at vinnan hevur biðið um meira tíð at rokna upp á tilboðini, og tað hevur Landsverk játtað.</div><div><br></div><div>Hann kann í løtuni heldur ikki útgreina, hvussu tað skal skiljast, at freistin at bjóða nú er útsett "fyribils til 30.mai".</div><div><br></div><div><b>Einki boð komið</b></div><div><br></div><div>Tilsamans 21 fyritøkur eru undangóðkendar at bjóða upp á tær átta stórarbeiðstøkurnar í samband við Marknagilsdepilin. Enn hevur eingin latið inn tilboð.</div><div><br></div><div>Verklagslógin fyri Marknagil, sum er frá 2008, ásetir, at skúladepilin kann kosta í mesta lagi 391 milliónir krónur. Harafturat skulu brúkast 60 milliónir til innbúgv og aðra útgerð. Samanumtikið ein íløga fyri tilsamans 451 milliónir krónur.</div><div><br></div><div><br></div>
