- Tíðindi, mentan og ítróttur
Í dag kann Romney gerast forsetavalevni
<div>Dagurin í dag kann gerast avgerandi fyri, um Mitt Romney verður tann, sum skal bjóða Barack Obama, forseta, av á forsetavalinum í november.</div><div><br></div><div>Í dag er undanval í Texas, og vinnur Mitt Romney, kann hann tryggja sær helmingin av valfólkunum, sum eru 1144 tilsamans. Í Texas skulu 155 valfólk veljast.</div><div><br></div><div>Mitt Romney royndi eisini at gerast valevni í 2008, men tá tapti hann fyri John McCain, sum síðani tapti ímóti Barack Obama.</div><div><br></div><div>Kemur Mitt Romney upp um helvtina av valfólkunum í dag, er lítið av ivast í, at republikanski flokkurin fer at kjósa hann til valevni á floksfundinum, sum verður í august.</div><div><br></div><div>Vinnur Mitt Romney í dag, fer hann alt fyri eitt undir at fyrireika seg til floksfundin, og samstundis eisini til sjálvt forsetavalið.</div><div><br></div><div>Romney hevur lagt stóran dent á búskaparligu støðuna higartil, og meiningakanningar vísa, at á tí økinum hevur hann eins stóra undirtøku og Barack Obama, forseti.</div><div><br></div><div>Mitt Romney er mormonur, og nógv í USA meta hann tí ikki sum ein veruliga kristnan. Tað kann fáa týdning, tí átrúnaður hevur stóran týdning í USA.</div><div><br></div><div>Mitt Romney hevur givið lyfti um, at arbeiðsloysið skal niður í seks prosent, um hann verður forseti. Arbeiðsloysið er ongantíð komið niður um átta prosent síðani fíggjarkreppuna.</div><div><br></div>
