- Tíðindi, mentan og ítróttur
Makreluppskotini aftur í tinginum
<div>Nógv umrøddu makreluppskotini fáa aðru viðgerð í løgtinginum í dag.</div><div><br></div><div>Vinnunevndin, sum hevur skrivað álit um uppskotini, mælir til at krevja 25 oyru fyri kilo av makreli upp til 3000 tons, og síðani 75 oyru fyri kilo.</div><div><br></div><div>Við hesum fær einki skip makrel fyri einki - og landskassin fær fimm milliónir meira, enn landsstýrismaðurin ætlaði við sínum avgjaldi, sigur Vinnunevndin.</div><div><br></div><div>Landsstýrismaðurin ætlaði ikki at krevja nakað frá teimum, sum fiska minni enn 1000 tons.</div><div><br></div><div>Vinnunevndin er eisini samd um at strika gjaldið fyri at hava fleiri útlendingar enn eitt vist við skipum, sum fiska makrel. Samgongumeirilutin í Vinnunevndini mælir í staðin til, at í minsta lagi tríggir fjórðingar av manningini skulu vera føroyingar, og at manningin skal hava hýru eftir føroyskum sáttmálum.</div><div><br></div><div>Minnilutin mælir millum annað til at selja 23.000 tons av makreli á uppboðssølu til eigarar av fiskiførum undir føroyskum flaggi.</div><div><br></div><div>Framsókn hevur lagt sítt egna broytingaruppskot fyri løgtingið, har hann millum annnað mælir til at krevja 10 oyru fyri kilo av makreli upp til 1000 tons. </div><div><br></div><div> - Grundgevingin fyri einum lægri gjaldi fyri fyrstu nøgdina er, at leggjast skal upp fyri útreiðslunum at seta í gongd, sigur Framsókn í broytingaruppskotinum.</div><div><br></div><div>Tingfundurin byrjar á middegi.</div>
