Hald lagt á hassj fyri 1,2 milliónir í Klaksvík

- Talan er um eitt stórt mál, tí tað er ikki vanligt at finna so nógvar hamp-plantur í einum, sigur Mikkjal Thomassen á Narkodeildini hjá politinum

Politiið hevur lagt hald á hamp-plantur, sum hava eitt virði áljóðandi 1,2 milliónir krónir, um tað varð selt sum hassj á marknaðinum

Bjarni Mohr

15.06.2012 - 09:10

<div>Narkodeildin hjá politinum hevur lagt hald á hampplantur, svarandi til hassj fyri 1,2 milliónir krónur, í einum húsum í Klaksvík. Eftir føroyskum viðurskiftum er talan tískil um eitt stórt mál hjá løgregluni.</div><div><br></div><div>Mikkjal Thomassen, dagligur leiðari á Narkodeildini hjá politinum, sigur við blaðið Norðlýsið, at politiið koma fram á tær 75 hamp-planturnar, tá teir gjørdu eina húsarannsókn á Kósini í Klaksvík.</div><div><br></div><div>- Samlaða søluvirði frá teimum 75 hamp-plantunum hevði tískil verðið 1,2 milliónir krónur, sigur Mikkjal Thomassen, leiðari á narkodeildini. Kanningar hava staðfest, at ein hamp-planta gevur í miðal 75 gram av hassji, og at eitt gramm av hasji verður selt fyri 250 krónur á gøtuni.</div><div><br></div><div>Í samband við rúsevnismálið hevur Narkodeildin hjá politiinum gjørt húsarannsókn í tveimum ymiskum støðum í Klaksvik. Ein maður er handtikin og skuldsettur í málinum.</div>