Ein nýggjur Høgaberg er á veg í flotan

Pólski verksmiðjutrolarin "Alina" kemur skjótt undir føroyskt flagg og skal eita "Høgaberg".

Anfinn Olsen, reiðari.

16.06.2012 - 19:11

<div>Ein nýggjur Høgaberg er á veg í flotan, skrivar Skipsportalurin.</div><div>Tað er partafelagið Fríðborg í Fuglafirði, sum hevur keypt skipið úr Polandi. Talan er um verksmiðjutrolaran, Alina, sum er systurskip hjá Athenu, Poseidon, Hercules og gamla Høgabergi, ið var seldur til Íslands í fjør.</div><div><br></div><div>Anfnn Olsen, reiðari sigur, at felagið hevur keypt skipið, og at skipið skal fiska makrel, og taka ímóti makreli frá øðrum skipum.</div><div>Tá vertíðin eftir makreli er av, verður skipið selt aftur. Tað kemur av, at tað ikki ber til at gera stórar íløgur í eitt skip, til eina so óvissa vinnu, sum makrelurin er, sigur Anfinn Olsen.</div><div><br></div><div>Høgaberg kemur til Føroya í aðru viku, og føroyingar skulu manna skipið, eins og gjørt var við Høgabergi í fjør, sigur Anfinn Olsen.</div><div><br></div>