Føroysk skúlabørn eru ov feit

Gigni og Granskingardepilin fyri Samfelagsmenning hava kannað skúlanæmingar í øllum landinum tvey skúlaár.

Kanningin vísir, at støðan vísir, at bæði dreingir og gentur eru ov feit, men summi eru ov kløn.

21.06.2012 - 11:33

<p>Dreingir og gentur í 1. flokki eru ov feit, og summi eru hættisliga feit.</p><div><br></div><div>Tað vísir ein kanning, sum Gigni og Granskingardepilin fyri Samfelagsmenning hava gjørt.</div><div><br></div><div>Kanningin umfatar allar skúlar í landinum skúláarini 2004/2005 og 2010/2011.</div><div><br></div><div>Hon vísir, at ein lutfalsliga stórur partur av dreingjunum í 1. flokki eru feitir ella hættisliga feitir. Í 1. flokki skúlaárið 2004/2005 vóru góð 26 prosent av dreingjunum í hesum báðum bólkum, men í 2010/2011 var støðan eitt sindur frægari, ella 21,4 prosent.</div><div><br></div><div><b>Eisini álvarsamt hjá gentum</b></div><div><br></div><div>Støðan hjá gentum er eins álvarslig og hjá dreingjum. Skúlaáarið 2004/2005 vóru 28,1 prosent av gentunum í 1. flokki feitar ella hættisliga feitar. Í 2010/2011 vóru tølini eitt sindur lægri, 22,9 prosent, av gentunum í 1. flokki.</div><div><br></div><div>Tá hugt verður at BMI-tølunum hjá næmingum í 7. flokki skúlaárið 2010/2011, t.e. dreingjum og gentum um 14 ára aldur, er støðan tann sama sum í 1. flokki. Ein munandi partur av dreingjunum og gentunum eru feit ella hættisliga feit.</div><div><br></div><div><b>Summi er ov kløn</b></div><div><br></div><div>Kanningin vísir eisini, at tað er ein vaksandi trupulleiki, at alsamt fleiri ung eru ov kløn, t.e. at tey hava eitt ov lágt BMI-tal. Hjá dreingjunum vóru 5,2 prosent ov klænir og hjá gentunum 7,3 prosent.</div><div><br></div><div>Gransking vísir, at greiður samanhangur er millum fita hjá børnum, eldri enn tvey ár, og fita hjá vaksnum. Kanningini hjá Gigni og Granskingardeplinm fyri Samfelagsmenning stuðlar undir hesa niðurstøðu, tí føroysk børn verða eisini hildin føst í einari støðu við ovurfita.</div>