- Tíðindi, mentan og ítróttur
Flestu kundar lagt um til marknaðarrentu
<div>85 prosent av kundunum í tryggingarfelagnum Lív hava longu lagt sínar lívstryggingar um frá miðalrentu til marknaðarrentu.</div><div><br></div><div>Hetta eru tey, sum hava teknað sínar tryggingar gjøgnum eitt av fakfeløgunum. Lív boðar í dag frá, at tey flestu fakfeløgini longu hava lagt um.</div><div><br></div><div>Tey, sum fyri nøkrum vikum síðani fingu bræv um møguleikan at leggja um frá miðalrentu til marknaðarrentu, eru teir umleið 1500 tryggingartakararnir hjá Lív, sum ikki hava sínar tryggingar gjøgnum fakfelag.</div><div><br></div><div>Tey skulu sjálvi játta umleggingina, og freistin fyri at lata svarið innaftur til tryggingarfelagið er sunnudagin 1. juli.</div><div><br></div><div>Lív hevur í dag sent eitt varskó út til fjølmiðlarnar, har sagt verður, at vandi er fyri at missa pening, um pensjónin ikki verður løgd um.</div><div><br></div><div><br></div><div> </div>
