Glaspetti í agurkusalati

Heilsufrøðiliga Starvsstovan ávarar um agurkusalat, sum er av merkinum First Price

Glaspetti kunnu vera í agurkusalati frá First Price, ávarar Heilsufrøðiliga Starvsstovan.

04.07.2012 - 15:56

<div>Fólk mugu ansa sær, um tey hava keypt agurkusalati av merkinum First Price.</div><div><br></div><div>Heilsufrøðiliga Starvsstovan boðar frá, at glaspetti eru funnin í einari krukku, og at vøran tí er afturkallað.</div><div><br></div><div>Slík glaspetti kunnu skaða munn, tenn, svølg og í ringasta føri maga-/tarmskipanina. Tað er Samsøs Konservesfabrik, sum hevur framleitt og nú afturkallar vøruna, tí vandi er fyri, at øll vørueindin kann innihalda glaspetti.</div><div><br></div><div>Tað snýr seg um agurkusalat í krukku, av merkinum First Class. Vøran heldur sær til 1. juni 2014. Fólk, ið hava keypt vøruna, verða biðin um at beina hana burtur ella lata handlinum hana aftur.</div><div><br></div><div>Heilsølur, sum hava selt vøruna, hava kallað hana innaftur, og hava biðið handlar taka hana av hillunum.</div><div><br></div>