Sjónvarpið viðger pedofili og stríðið um Fámará

Facebook-rørslan móti pedofili í Føroyum og stríðið um festið í Fámara eru millum evnini í Fríggjakvøld í sjónvarpinum í kvøld kl. 19

Eydna Skaale og Finnur Koba eru vertir í "Fríggjakvøld"

Grækaris Djurhuus Magnussen

13.07.2012 - 12:52

Fríggjakvøld eitur nýggja tíðindasendingin í sjónvarpinum
í summar. 
Høvuðssøgan í kvøld snýr seg um stríðið um
Fámara. Umframt reportasju frá staðnum, har
hønur, hestar og ferðafólk ganga hvørt um annað, kemur stjórin í Búnaðarstovuni
á gátt. 
Stóri spurningurin er, hvussu tú kanst gera av, hvør er
best egnaður at gerast festari í festinum, sum einaferð varð slept upp á fjall við
stórari skuld og nú knappliga er vorðið eitt stað, sum fleiri vilja fáa hendur
á. Vestanstevnan í Sandavági 
Vestanstevna er í Sandavági. Í tí samband skattað vit dýpið  í Vágum, sum er millum fáu oyggjarnar, ið hava upplivað fólkavøkstur síðani
aldarskiftið. 
Seinastu vikuna hevur ein føroysk rørsla móti pedofili
tikið seg upp á Facebook. Ætlanin er at kunngera nøvnini á teimum, sum hava
gjørt seg inn á børn. 
Spurningurin er: Skulu nøvnini almannakunngerast ella ikki? 
Fríggjakvøld hevur prátað við eina avvarðandi mammu og ein, sum varð  fríkendur í rættinum, men dømdur av
fólkinum. Við kjakborðið eru Jógvan Elias Winther
Poulsen, løgfrøðingur, og Marjun Nielsen,
sálarfrøðingur.