Endaliga staðfest: Føroyar skulu til EM

Føroysku hondbóltskvinnurnar skulu til EM-endaspælið í desember. Fyri lítlari løtu síðan vann Montenegro á Portugal, og tí ber ikki longur til hjá Portugal at yvirhála føroysku hondbóltskvinnurnar. 

Tað merkir í stuttum, at Føroyar enda í minsta lagi sum nummar tvey í bólki 4. 

Sunnudagin spæla føroysku kvinnurnar móti Montenegro á útivølli. Vinna tær tann dystin, so kunnu tær enda fremst í bólkinum. Tað krevur tó at tær vinna við minst sjey málum. EM-endaspælið verður í Póllandi, Kekkia, Slovakia, Rumenia og Turkalandi í døgunum 3. til 20. desember.

Lutakastið um bólkabýtið og staðseting verður hósdagin klokkan 17.00.