Ísland onki formligt tilboð frá ES og Noregi

ES og Norra hava ongantíð formliga boðið Íslandi 7,5 prosent av makrelkvotuni

Noreg og ES hava ongantíð formliga givið Íslandi nakað tilboð upp á so og so nógv prosent av makrelinum.

16.07.2012 - 10:13

<div>Tað sigur nýggi samráðingarleiðarin hjá Íslandi, Sigurgeir Þorgeirsson, við Morgunblaðið.</div><div><br></div><div>Og enn ber als ikki til at siga nakað um, hvussu nógvur makrelur er í íslendskum sjógvi í summar, tí kanningarnar eru ikki lidnar enn. </div><div><br></div><div>Ikki fyrr enn í fyrsta lagi í næsta mánað ber til at siga nakað um, hvør støðan er hjá makrelinum, sigur Jóhann Sigurjónsson, stjóri á íslendsku havstovuni.</div><div><br></div><div><b>Írland í øðini</b></div><div><br></div><div>Írland, sum er ágrýtnasta ES-landið í makrelstríðnum móti Íslandi og Føroyum, sigur í einum uppriti til fundin hjá ES-ráðnum í dag, at tilboðið til Føroya um 8 prosent og til Íslands um 7,5 prosent av heildarmakrelkvotuni eigur at verða tikið aftur.</div><div><br></div><div>Sambært Írlandi eigur Ísland nú rætt til nógv minni enn 7,5 prosent, tí nógv minni makrelur er nú í íslendskum sjógvi.</div><div><br></div><div>Í løtuni kanna skip úr Noregi, Íslandi og Føroyum makrelin á einum stórum øki í Norðuratlantshavi. Fyri Føroyar er nótaskipið Christian í Grótinum við í kanningini.</div><div><br></div>