Starvsstovan fer at kanna festivalbúffar

Festivalbúffar, rómakøkur og annar og stevnumatur koma undir sjóneykuna hjá Heilsufrøðiligu Starvsstovuni komandi vikurnar.

Heilsufrøðiliga Starvsstovan fer komandi vikurnar at kanna mat- og matarumstøður í sambandi við festivalar. Hendan myndin er frá einum Summarfestivali.

Grækaris Djurhuus Magnussen

17.07.2012 - 16:42

Heilsufrøðiliga Starvsstovan fer at kanna
allan matin, ið verður seldur í smáu sølubásunum á G-festivalinum,
Summarfestivalinum og á ólavsøku, skrivar Portalurin.

- Vandin er ofta, at
maturin ikki verður goymdur í køliskápi, og at kjøtið ikki verður fullstokt,
sigur Ingibjørg Egholm, eftirlitsfólk á Heilsufrøðiligu Starvsstovuni. Fólk mugu vera trygg- Tað eru nøkur minstakrøv til handfaring og staðið, har maturin verður seldur. Vit fara at hyggja eftir, um tey hava handvask, so tey kunnu vaska hendur, um tey hava nóg mikið av borðplássi, um kuldaskáp er tókt, og so at maturin kann goymast og ikki spillist. Sum heild skulu viðurskiftini vera trygg, so fólk ikki gerast sjúk, sigur Ingibjørg Egholm.  Fyrstu ferð

Hetta er fyrstu ferð, at Heilsufrøðiliga
Starvsstovan kannar matin, ið verður seldur á festivalum og stevnum. Í ár
verður maturin bert kannaður á stóru festivalunum og á Ólavsøku, men í
framtíðini fer Heilsufrøðiliga Starvsstovan eisini at hyggja eftir matinum, ið
verður borðreiddur á minni tiltøkum og stevnum.