- Tíðindi, mentan og ítróttur
Bispagarðurin skal umvælast
<div>Arbeiðið fer væntandi at taka umleið eitt ár, og hesa tíðina fer skrivstovan at halda til í hølunum, har Havnar Sjúkrakassi var.</div><div><br></div><div>Umvælingin av Biskupsgarði er framhald av arbeiðinum at umvæla flest allar prestagarðar í Føroyum, sum byrjaði í 2007, tá fólkakirkjan kom á føroyskar hendur.</div><div><br></div><div>- Tá var støðan alt annað enn góð, staðfestir Jógvan Fríðrikson bispur.</div><div><br></div><div> - Prestagarðarnir vóru í misjøvnum standi, summir vóru at at kalla ikki egnaðir til bústað. Ivasamt er, um nakar av teimum 19 gørðunum var í góðum standi, skrivar bispur.</div><div><br></div><div>Tí varð farið miðvíst undir at umvæla prestgarðarnar.</div><div><br></div><div>Tá hetta árið er liðið eru Prestagarðurin í Vági, í Leirum, í Todnesi, dómpróstagarðurin, í Hvalvík, á Gjaranesi og á Brekku í Klaksvík sostatt liðugt umvældir</div><div><br></div><div>Harafturat eru stórar ábøtur gjørdar á Heygsvegi í Havn, í Lamba, í Fuglafirði og á Prestvegi í Klaksvík. </div><div><br></div><div>Komandi trý árini er so ætlanin at gera nakað munagott við garðarnar á Nesi, í Miðvági, á Eiði og í Kvívík. </div><div><br></div><div>Umsitingin hjá fólkakirkjuni hevur ta áskoðan, at tá prestarnir hava bústaðarskyldu og búgva til leigu, so skal garðurin vera á leið í sama standi, sum eini miðal føroysk sethús eru í dag. </div><div><br></div>
