Hevði ikki rætt at kæra um Posta

Smápartafelagið Petra hevði ikki rætt at kæra avgerðina hjá Kappingareftirlitinum um at loka málið um marknaðarráðandi støðuna hjá Posta.

Kæran var um, at Posta misnýtti sína marknaðarráðandi støðu, tá Tórshavnar kommuna bað um tilboð um at koyra pensjonistum, sum búgva heima, mat.

Trý tilboð komu.

Posta hevði tað lægsta, Petra tað næstlægsta.

Føroya Kærustovnur hevur avgjørt, at Petra ikki hevði kærurætt.

Kærustovnurin sigur, at Petra ikki hevur individuellan og týðandi áhuga í málinum.

Petra kann tí ikki kæra sambært kappingarlógini.

Kappingareftirlitið helt ikki, at kappingarlógin var brotin, tá Posta vann útboðið.