- Tíðindi, mentan og ítróttur
Fyrireikar lógaruppskot um barnaváttan
<div>Barnaváttanin er ikki við á listanum yvir lógaruppskot, sum løgmaður hevur boðað frá fara at koma fyri tingið í hesi tingsetuni. Men tað merkir ikki, at málið er slept, sigur Kári P. Højgaard, landsstýrismaður í innlendismálum. </div><div><br></div><div>-Eg taki undir við, at barnaváttanir verða kravdar, og fari at taka spurningin upp við umsitingina beint eftir summarfrítíðina, sigur hann. </div><div><br></div><div><b>Annika Olsen ætlaði eisini</b></div><div>Fyri tveimum árum síðani fór táverandi landsstýriskvinnan í innlendismálum, Annika Olsen, undir at fyrireika lógaruppskot um barnaváttan. Men tað lógaruppskotið kom ongantíð fyri tingið.</div><div><br></div><div>Løgtingið fer í næstum at viðgera spurningin um barnaváttanir. Rigmor Dam, løgtingskvinna fyri javnaðarflokkin, fer at leggja eitt uppskot fyri tingið um at heita á landsstýrið um at seta í verk barnaváttanir. </div><div><br></div><div><b>Ivast í ætlanum hjá landsstýrismanninum</b></div><div>Rigmor Dam sigur seg ivast í, um landsstýrismaðurin ætlar at gera nakað við málið, tí tað ikki er við á listanum yvir lógaruppskot, ið skulu fyri tingið í hesi setuni. Tí hevur hon tikið stig til at fáa spurningin um barnaváttanir viðgjørdan í tinginum. </div><div><br></div><div>Síðani 2005 hevur verið álagt donskum arbeiðsgevarum at krevja barnaváttan, tá teir seta fólk í starv, har tey hava beinleiðis samband við børn undir 15 ár.</div><div><br></div><div>Barnaváttanin vísir, um starvsfólkið hevur dóm fyri at hava gjørt seg inn á børn, um tað hevur víst fyri sær ella hevur havt barnaporno um hendi. </div><div><br></div>
