- Tíðindi, mentan og ítróttur
Seldi stolna list um allan heim
<div>Gølan byrjaði í oktober í 2011, tá Kapoor bleiv handtikin í Týsklandi. Við sær hevði hann fleiri lutir sum eftir øllum at døma eru stolnir í Tamil Nadu og Kerala. Sambært The Sydney Morning Herald, bleiv Kapoor fyri tveimum vikum síðani sendur til India, har hann situr fongslaður.</div><div>Fyri viku síðani skrivaði New York Times, at amerikanskir tollmyndugleikar hava kannað fýra goymslur hjá Kapoor í á Manhattan í New York. List fyri einar 120 milliónir krónur eru nú í varveitslu hjá tollvaldinum. Amerikanskir myndugleikar heita nú á listasøvn um at kanna eftir hvørjar lutir tey hava keypr frá indiska handilsmanninum, og teir gera øllum greitt at teir vilja gera nógv fyri at finna tjóvagóðs.</div><div>Tjóðarlistasavnið í Avstralia kann vera eitt av søvnunum sum hevur tjóvagóðs, sum er komið frá Kapoor. Hetta savnið keypti í 2008 eina bronsustandmynd, Shiva as Nataraja, frá Kapoor.Nú sigur leiðslan á savninum at tey royndu tað tey megnaðu at kanna um standmyndin var stolin ella ikki. Nú bíða tey eftir at fáa nærri boð um tey keyptu tjóvagóðs ella ikki.</div><div>Millum tey søvnini sumkunnu hava keypt stolna list frá Kapoor eru Metropolitan Museum of Art i New York, Los Angeles County Museum of Art, Museum of Fine Arts i Boston, Musee des Arts Asiatiques-Guimet i Paris og Royal Ontario Museum i Toronto.</div><div><br></div><div><br></div><div><br></div><div><div class="gridRow "><br></div></div>
