Nýggja virkið skapar annað arbeiði í Suðuroynni

Ikki er óhugsandi, at onnur smærri virki fara at niðursjóða ella leggja fisk i gløs

Varðin Pelagic á Tvøroyri er farið at taka ímóti uppsjóvarfiski, og tað er ikki óhugsandi, at onnur virki koma afturat.

07.08.2012 - 10:36

<div>Nýggja uppsjóvarvirkið á Tvøroyri fer væntandi at skapa  fitt av øðrum arbeiði í oynni.</div><div><br></div><div>Stjórin á virkinum, Bogi Jacobsen, sigur við Sosialin, at nógv skip fara at landa til virkið, og nógv farmaskip koma eftir lidnari rávøru. Skipini skulu øll bunkra og fáa eisini brúk fyri smiðum og mekanikarum.</div><div><br></div><div>Eisini fær virkið brúk fyri nógvum pakningi, plattum og øðrum til framleiðsluna, sum eftir ætlan verður umleið 1000 tons um samdøgrið.</div><div><br></div><div>Sambært stjóranum á nýggja uppsjóvarvirkinum á Tvøroyri er tað ikki óhugsandi, at smærri virki  eisini verða stovnað , sum fara at niðursjóða ella leggja fisk í gløs.</div><div><br></div><div>Um 100 fólk eru beinleiðis knýtt at  uppsjóvarvirkinum á Tvøroyri, skrivar Sosialurin.</div><div><br></div>