Høgættin darvar makrelfiskiskapinum

Makrelurin er seinni á veg, tí sjógvurin er ov kaldur, sigur fiskifrøðingur

Kaldari sjógvur kann vera ein orsøk til, at makrelurin er seinni á veg, sigur ein fiskifrøðingur

08.08.2012 - 09:55

<div>Liggjandi høgætt og meiri kuldi kunnu verða orsøkin til, at gongd ikki rættiliga er komin á makrelfiskiskapin enn.</div><div><br></div><div>Tað metir Jan Arge Jacobsen, fiskifrøðingur á Havstovuni.</div><div><br></div><div>Hann sigur, at liggjandi høgætt darvar allan fiskiskap, og kanningar vísa eisini, at sjógvurin á landgrunninum er kaldari. Hann er kølnaður eitt stig ella so. </div><div><br></div><div>Hetta kann vera atvoldin til, at makrelurin er seinni á veg, tí hann krevur lýggjari sjógv</div><div><br></div><div>Minni enn helvtina so nógvur makrelur er fiskaður higartil í ár sum somu tíð í fjør. </div><div><br></div><div>Sambært Jan Arge Jacobsen bendir einki tó á, at minni makrelur er til í ár, ella at ferðingarmynstrið er broytt.</div>