- Tíðindi, mentan og ítróttur
Breyt inn á politistøðina eftir prutli
<div>Ein maður er skuldsettur fyri herverk, tí hann breyt inn í gamla politigarðin í Jónas Broncks gøtu í Havn um vikuskiftið. </div><div><br></div><div>Maðurin breyt inn, tí hann vildi hava prutlið aftur, ið politiið hevði tikið frá honum. Politiið metti, at prutlið var ólógligt. </div><div><br></div><div>Tað var mánadagin, at politiið varnaðist, at prutlið var horvið, og at lásið var brotið og sagað av á øðrum portrinum í gamla politigarðinum, sigur vakthavandi á politistøðini í Havn. </div><div><br></div><div>Politiið fekk beinan vegin illgruna til mannin, sum átti prutlið. Í gjár varð maðurin avhoyrdur, og hann hevur játtað seg sekan. </div><div><br></div><div>Maðurin verður tó ikki skuldsettur fyri stuldur, tí tað ber ikki til at stjala ognir hjá sær sjálvum. </div><div><br></div>
