Flogfar neyðlendi í Keflavík

Onkur dulnevndur boðaði frá, at ein bumba var í russiska flogfarinum

Tað var eitt flogfar av hesum slagnum, Airbus 330, sum noydist at seta seg í Keflavík.

16.08.2012 - 09:56

<div>Eitt russiskt ferðaflogfar, sum var á veg úr New York til Moskva, noyddist í morgun at seta í Keflavík í Íslandi, eftir at onkur dulnevndur hevði boðað frá, at ein bumba var í flogfarinum.</div><div><br></div><div>Tá hóttanin kom, var flogfarið longu í luftini, upplýsir ein talskvinna fyri flogfelagið Aeroflot. </div><div><br></div><div>- Flogskiparin tók avgerð um at neyðlenda lenda, sigur talskvinnan, Irina Dannenberg. </div><div><br></div><div>Dulnevnda røddin í telefonini segði, at fimm kuffert við spreingi vóru í flogfarinum. Tey kundu spreingjast, tá flogfarið setti seg í Moskva.</div><div><br></div><div>Tey 253 ferðafólkini fóru úr flogfarinum, sum bumbuserfrøðingar nú kanna, skrivar Ritzau.</div><div><br></div>