- Tíðindi, mentan og ítróttur
Føroysk byggifeløg vilja sleppa til Grønlands
<p>Føroyskar byggifyritøkur liggja framvið at at fáa lut í stóru byggivinnuni í Grønlandi, men trupult er at sleppa framat.</p><div><br></div><div>Tað skrivar Dimmalætting. </div><div><br></div><div>Nógv byggivirksemi er í Grønlandi, og fleiri verkætlanir eru í umbúna. Niclas Joensen, nevndarformaður í Articon, sigur við Dimmalætting, at nakrar fáar danskar fyritøkur sita á nærum øllum, og tær forða fyri, at onnur sleppa upp í part. Articon hevur boðið upp á nøkur arbeiði, men hevur einki fingið. </div><div><br></div><div>Eisini byggifelagið J&K Petersen ætlar sær til Grønlands.</div><div><br></div><div><b>Wild west-hugburður</b></div><div><br></div><div>- Vit liggja framvið og bjóða, men vit eru rættiliga varnir, sigur Steinolvur Petersen, stjóri í J&K Petersen. Hann sigur, at teir hava varhugan av, at viðhvørt ræður "wild-west-hugburður," sum hann tekur til, og ein stórur váði er eisini knýttur at verkætlanunum. </div><div><br></div><div>Bæði Articon og J&K Petersen hava roynt at samstarva við danskar fyritøkur í Grønlandi, tí tað vísir seg at vera lættasta loysnin, men hon hevur ikki givið nakað serligt av sær.</div><div><br></div><div>- Ein møguleiki er, at fyritøkur, sum kappast á føroyska marknaðinum, taka seg saman og í felag bjóða seg fram í Grønlandi, heldur enn at samstarva við danskar fyritøkur, sigur Steinolvur Petersen, stjóri í J&K Petersen, við Dimmalætting. </div>
