- Tíðindi, mentan og ítróttur
Fyrimunur at skráseta skip í FAS
<div>Av tí at Føroyar hvørki eru í ES ella EFTA, ber til hjá Føroyum at hava eina altjóða skipaskráseting, FAS, sum er sera kappingarfør og tí væl umtókt hjá útlendskum skipafeløgum.</div><div><br></div><div>Tað skrivar íslendska Morgunblaðið, sum í drúgvari grein viðger FAS og miseydnaðu íslendsku royndina at gera eina altjóða skipaskráseting. </div><div><br></div><div>Sambært greiningini hjá Morgunblaðnum sleppa Føroyar undan reglunum hjá ES og EBS, sum er samstarvið millum ES og EFTA, um almennan studning til fyritøkur, sum kappast. </div><div><br></div><div><b>Doyði í føðingini</b></div><div><br></div><div>Tað vóru júst hesar reglur, sum gjørdu av við íslendsku altjóða skipaskránna í føðingini. </div><div><br></div><div>Í 2007 kom ein lóg um íslendska altjóða skipaskrá, ÍIS. Samstundis kom ein lóg um skattafyrimunir hjá skipafeløgum í ÍIS. Men eftirlitsnevndin hjá EFTA segði, at slíkur almennur studningur var brot á EBS-sáttmálan. Ísland hevði ikki hugsað um at laga sína skipaskrá eftir EBS-reglunum, soleiðis sum Danmark og Noreg gjørdu við sínar skipaskrásetingar.</div><div><br></div><div>Íslendska lógin um skattafyrimunir til altjóða skipaskránna varð ikki strikað fyrr enn 31.desember 2011. Tá var einki skip í ÍIS. </div><div><br></div>
