- Tíðindi, mentan og ítróttur
Skip hjá pólfaranum Robert Scott funnið
<div>Skipið æt "Terra Nova". Tá Scott kom á Suðurpólin í januar í 1912, mátti hann viðganga, at norðmaðurin Roald Amundssen, var komin á Suðurpólin undan honum.</div><div><br></div><div>Á ferðini aftur til skipið, doyðu Robert Scott, og teir sum vóru saman við honum í kulda. Skipið var kortini verandi í vinnu, til tað gekk burtur við Suðurgrønland í 1943.</div><div><br></div><div>Síðani hevur eingin tosað um skipið, fyrr enn eitt amerikanskt kanningarskip herfyri kom framá eitthvørt á botninum útfyri Grønlandi. Upptøkutól vístu, at talan kundi vera um skipið "Terra Nova".</div><div><br></div><div>Nú hevur útbúgvingarovastin á savninum í Dundee, har skipið varð bygt, sagt, at talan uttan iva er um skipið hjá Robert Scott.</div><div>Fyrsta skipið sum Robert Scott nýtti til sínar ferðir, "RRS Discovery", er á savninum í Dundee.</div><div><br></div><div>Líkið av Robert Scott og hinum sum vóru við honum, var funnið í oktober í 1912, átta mánaðir eftir miseydnaðu ferðina til Suðurpólin. Hann var 43 ára gamal.</div>
