Kai Yu fer nú at taka ímóti makreli

Skipið, sum Thor hevur leigað, er komið í føroyskan sjógv

Kai Yu er komið í føroyskan sjógv at taka ímóti makreli.

22.08.2012 - 11:09

<div>Móttøkuskipið Kai Yu, sum Thor hevur leigað, er nú á veg til skipini, sum fiska makrel í føroyskum sjógvi. Skipið kom á Kollafjørð úr Eysturgrønlandi gjáramorgunin at verða góðkent til at vera móttøkuskip. </div><div><br></div><div>Thor hevur nøkur makrelloyvi til síni skip, men hvørji skip skulu lata Kai Yu makrel, vil Thor ikki upplýsa. Skip, sum selja útlendskum móttøkuskipum makrel, skulu lata landskassanum 2,00 kr. fyri kilo í avreiðingargjaldi umframt 25 oyru fyri kilo í veiðugjaldi. </div><div><br></div><div>Kai Yu umskipaði 1800 tons av makreli til eitt frystifarmaskip, áðrenn skipið fór at sigla til Føroya.  Kai Yu kann frysta 240 tons um samdøgrið.  </div>