Tilboðini upp á skúladepilin latin upp í dag

Gongst sum ætlað verður Marknagilsdepilin liðugur um fýra ár

Freistin er longd fleiri ferðir, men seinnapartin í dag verða tilboðini upp á Marknagilsdepilin latin upp.

28.08.2012 - 09:44

<div>Seinnapartin fæst at vita, hvussu nógv tað fer at kosta at byggja Marknagils-depilin. Tá verða tilboðini í føroya størstu byggiverkætlan latin upp.</div><div><br></div><div>Freistin at bjóða er longd nakrar ferðir. Tíðliga í summar samdust Landsverk og byggivinnan um, at freistin at bjóða uppá arbeiðið skuldi leingjast við tveimum mánaðum. </div><div><br></div><div><b>Liðugur í 2016</b></div><div><br></div><div>Í hesum tíðarbili skuldi Landsverk gera neyðugu útrokningarnar, ið vinnan hevur eftirlýst fyri yvirhøvur at kunna bjóða uppá arbeiðið. Feriutíðin hjá vinnuni longdi síðani freistina eina viku afturat. Men klokkan tvey seinnapartin verða tilboðini so latin upp.</div><div><br></div><div>Løgtingið hevur játtað at brúka 391 milliónir krónur at byggja fyri, umfram 60 milliónir til innbúgv, tilsamans 451 milliónir krónur. Sambært nýggjastu tíðarætlanini skal Marknagilsdepilin takast í nýtslu um fýra ár - á sumri 2016. </div><div><br></div><div><br></div>