- Tíðindi, mentan og ítróttur
Seglbáturin togaður á Havnina
<div>Stutt eftir døgurða í dag kom trolarin Rókur í Nólsoyarfjørð við polska seglbátinum, sum kom í havsneyð norður av Føroya Banka í gjár. Í Nólsoyarfirði tók sjóverjuskipið Brimil sleipið, meðan Rókur helt leiðina fram inn á Skálafjørðin. Brimil togaði síðani seglbátin til bryggju í Havn.</div><div><br></div><div>Eitt av polsku sjófólkunum læt lív. Hjá hinum veit væl við. Tveir mans, sum fingu løstir umborð á seglbátinum, vórðu fluttir á Landssjúkrahúsið í gjárkvøldið, og teir hava tað eisini gott.</div><div><br></div><div><b>Á Hotel Føroyar </b></div><div><br></div><div>Tá Brimil kom á Havnina í morgun við manningini á seglbátinum, fekk Tórshavnar kommuna eina áheitan um at taka sær av og hýsa fólkunum. Tað gjørdi kommunan, og stutt fyri døgurða vórðu tey sjey fólkini, sum vóru við Brimli, flutt á Hotel Føroyar.</div><div><br></div><div>Á tíðindafundi fyrrapartin upplýsti løgreglan, at hon ikki hevði tosað við fólkini, men at tað verður gjørt.</div><div><br></div><div><b>Sjófrágreiðing</b></div><div><br></div><div>Eftir føroyskari lóg skal sjófrágreiðing vera, um ein hending á sjónum krevur mannalív. Um lógin í Póllandi sigur tað sama, er løgreglan í ferð við at kanna gjøgnum Interpol. Løgreglan fær ikki svar upp á tað fyrr enn í morgin, og tá verður gjørt av, um sjófrágreiðing skal verða, verður upplýst á løgreglustøðini í Havn.</div><div><br></div><div><b>Løgmaður takkar</b></div><div><br></div><div>Kaj Leo Holm Johannesen, løgmaður, hevur seinnapartin sent út tíðindaskriv, har hann takkar MRCC, donsku sjóverjuni, manningunum á Brimli, Lerki og Róki, umframt manningunum á tyrlunum hjá Atlantsflogi og sjóverjuni fyri holla arbeiðið, tá pólski seglbáturin var í havsneyð.</div><div><br></div><div>- Tað var eitt fyrimyndarligt arbeiði, framt undir truplum umstøðum í vána veðri. Við hegni forðaðu bjargingarfólkini fyri, at størri mansskaði stóðst. Mín samkensla er við avvarðandi hjá honum, ið læt lív, sigur løgmaður í skrivinum.</div><div><br></div><div><br></div>
