- Tíðindi, mentan og ítróttur
Brúka annað tilfar fyri at fáa prísin niður
<div>Annað byggitilfar enn upprunaliga ætlað skal fáa prísin á nýggju fastøðini á flogvøllinum niður á tær 102 milliónir krónurnar, sum P/f Vága Floghavn hevur at byggja fyri. Lægsta tilboðið er 125 mió. kr., og tað tilboðið eigur Articon. </div><div><br></div><div>Jákup Sverri Kass, stjóri í Vága Floghavn, sigur, at samráðingarnar við byggifelagið um at fáa prísin niður úr 125 í 102 milliónir ganga væl.Hann væntar, at komið verður á mál um eina viku. </div><div><br></div><div><b>Hava ikki fleiri pengar</b></div><div><br></div><div>Annað tilfar verður brúkt til eitt nú gólv, tak og veggir enn upprunaliga ætlað fyri at fáa prísin niður. Farstøðin skal ikki kosta meira enn 102 milliónir, tí fleiri pengar eru ikki, og ætlanin er ikki at biðja um fleiri, sigur Jákup Sverri Kass. Og fermetratalið skal ikki minka. </div><div><br></div><div>Nakrar byggifyritøkur vóru undangóðkendar at geva tilboð upp á farstøðina. Hini tilboðini vóru úr 153 upp í 161 milliónir. Arbeiðið upp á farstøðina byrjar í hesum mánaðinum, sigur Jákup Sverri Kass. </div><div> </div><div> </div><div><br></div><div><br></div>
