400.000 kr. frá Veðurtænastuni til Havstovuna

Havstovan hevur fingið 600.000 kr. í eykajáttan, og Magnus Heinason er farim at gera yvirlitstrolingar

Magnus Heinason er farin at gera yvirlitstrolingar, nú Havstovan hevur fingið eykajáttan.

10.09.2012 - 09:41

<div>Veðurtænastan misti 400.000 kr., nú Havstovan skuldi hava 600.000 kr. í eykajáttan til Magnus Heinason. Sambært Fiskimálaráðnum, sum bað um eykajáttanina, kann Veðurtænastan bíða við nøkrum útreiðslum.</div><div><br></div><div>Fiskimálaráðið sjálvt skal spara 100.000 kr. í rakstrinum, og sambært Fiskimálaráðnum fær Havstovan 100.000 kr. meira í ár frá inntøkufíggjaðum virksemi og verkætlanum. Sambært fíggjarlógini eru hesar inntøkurnar hjá Havstovuni fýra milliónir og 50.000 kr. í ár.</div><div><br></div><div><b>Útreiðslunoytral eykajáttan</b></div><div><br></div><div>Soleiðis fann Fiskimálaráðið tær 600.000 kr. til Magnus Heinason, so eykajáttanin varð útreiðslunoytral.  Løgtingið samtykti eykajáttanarlógina, sum Fíggjarnevndin legði fram fríggjadagin. Vikið varð frá øllum tíðarfreistum og uppskotið var ikki í nevnd, men fór beinleiðis frá fyrstu til aðru viðgerð.</div><div><br></div><div>Magnus Heinason er nú eystan fyri Føroyar, har hann ger yvirlitstrolingar á landgrunninum.  </div>