- Tíðindi, mentan og ítróttur
Vandi fyri at badmintonhøllin letur aftur
<div>Badmintonhøllin í Klaksvík verður væntandi stongd í dag ella í morgin. Felagið, sum eigur og rekur høllina, megnar ikki longur at reka hana. Tað skrivar Norðlýsið á netinum.</div><div><br></div><div>Staðfest er, at skuldin til Norðoya Sparikassa er oman fyri 10 milliónir krónur.</div><div><br></div><div>Fíggjarliga støðan er eisini orsøkin til, at eitt nýtt badmintonfelag er stovnað í Klaksvík, sum yvirtekur alt virksemið í gamla badmintonfelagnum, sum nú stendur bert at eiga høllina.</div><div><br></div><div><b>Fekk skaða i ódnarveðri</b></div><div><br></div><div>Ein trupulleiki er, at tekjan á lutfalsligu nýggju badmintonhøllin í Klaksvík fekk stóran skaða í ódnarveðri í vetur. Tann skaðin er enn ikki gjørdur aftur, tí ósemja er millum byggiharran og tryggingarfelagið.</div><div><br></div><div>Sambært Norðlýsinum verður ein fundur um badmintonhøllina í dag millum Norðoya Sparikassa og Klaksvíkar Kommunu. Verður ein loysn ikki funnin á hesum fundinum, ger sparikassin síni krøv galdandi og krevur høllina stongda.</div><div><br></div><div><br></div>
