- Tíðindi, mentan og ítróttur
Fimm fólk á ákærubeinkinum fyri rúsevnasmugling
<div>Tað er trongligt í Føroya Rætti í hesum døgum. Fimm fólk eru á ákærubonkinum, ákærd fyri at hava útvegað og smuglað rúsevni til Føroya, og fyri at selja rúsevni i Føroyum. Rætturin hevur sett tríggjar dagar av til at viðgera málið.</div><div><br></div><div>Trý av teimum ákærdu eru danir - ein bakmaður og tvey fólk, sum hava smuglað. Teir báðir føroyingarnir í málinum eru 28 og 29 ára gamlir, annar úr Vágum og hin úr Eysturoynni. </div><div><br></div><div><b>Tilfar til ecstasy-tablettir</b></div><div><br></div><div>Tann eldri er ákærdur fyri at hava staðið á odda og samskipað smuglingina, og fyri at hava tikið ímóti 600 grammum av hassji og tilfari at gera ecstasy-tablettir. Hetta er nóg mikið til at gera fleiri enn 1100 tablettir. </div><div><br></div><div>Mikkjal Thomassen á Kriminaldeildini sigur, at pulvurið hevði kunnað verið selt fyri 100.000 krónur, men vórðu tablettir gjørdar úr tilfarinum, høvdu tær kunnað verið seldar fyri einar 300.000 krónur.</div><div><br></div><div>Yngri føroyingurin er ákærdur fyri at hava hjálpt til við flutninginum og søluni í Føroyum. Teir báðir danirnir, sum eru ákærdir fyri at hava smuglað rúsevnini til Føroya, komu við Norrønu og krógvaðu evnini í einum eldsløkkjara í bilinum. </div><div><br></div><div>Mett verður, at teir báðir, sum stóðu á odda fyri smuglingini, hava forvunnið 22.000 krónur hvør.</div><div><br></div>
