Fleiri fáa arbeiði

Síðani november hevur verið ein lítil framgongd hvønn mánað, og nú eru umleið 23.800 løntakarar í landinum

Nú eru umleið 23.800 løntakarar í landinum. Ein javnur vøkstur hevur verið hvønn mánað síðani november í fjør.

13.09.2012 - 09:45

<div>Í juni vóru 23.780 løntakarar, og tað vóru 41 fleiri enn í mai mánaði. Tað vísa nýggjastu tølini hjá Hagstovuni.</div><div><br></div><div>Síðani november hevur verið ein lítil framgongd hvønn mánað, og nú eru 385 løntakarar fleiri. Í 2008 vóru flest løntakarar, men síðani var afturgongd, sum vardi í trý ár, til 2011.</div><div><br></div><div>Á várið 2008 vóru fleiri enn 26.000 løntakarar. Á vári í 2011 vóru teir 2.500 færri.</div><div><br></div><div>Síðani november í fjør hevur tó aftur verið ein lítil javnur vøkstur, og nú eru umleið 23.800 løntakarar. Hetta eru 300 fleiri enn somu tíð í fjør. Men nógv er at vinna innaftur, tí enn eru hetta 380 færri enn um somu tíð fyri tveimum árum síðani og 1.200 færri enn fyri trimum árum síðani, sigur Hagstovan.</div><div><br></div>