Lupu á amerikansku sendistovuna í Jemen

Ein amerikanskur filmur um islam hevur elvt til ófrið í Jemen og Egyptalandi

Hjá summum mótmælisfólkum eydnaðist tað at troka seg inn um portrið til amerikansku sendistovuna í Jemen.

13.09.2012 - 16:26

<p>Fleiri hundrað mótmælisfólk lupu fyrrapartin á amerikansku sendistovuna í Sanaa, høvuðsstaðnum í Jemen. Tey mótmæltu einum filmi, sum ein amerikanari hevur gjørt, har funnist verður hvassliga at islam.</p><div>Herverk varð gjørt á diplomatbilar, eldur varð settur á dekkini, og hjá summum mótmælisfólkum eydnaðist tað at troka seg inn gjøgnum væl varda portið til sendistovuna. </div><div><br></div><div>Ongum eydnaðist tó at sleppa inn á sendistovuna, og mótmælisfólkini vórðu rikin útaftur. Løgreglan skeyt við skørpum og nýtti eisini vatnkanónirnar, til tess at reka mótmælisfólkini burtur.</div><div><br></div><div><b>Eisini í Egyptalandi</b></div><div><br></div><div>Eisini í egyptiska høvuðsstaðnum Kairo hevur verið ófriðarligt í sambandi við filmin um Muhammed profet. Í minsta lagi 13 fólk eru løstað í samanbrestum við løgregluna, sum hevur nýtt táragass og lurkar at spjaða mannamúgvuna. </div><div><br></div><div>Í amerikanska filminum verður Muhammed profetur m.a. lýstur at vera latur og ein konufólkarevur.</div><div><br></div><div><br></div><div><br></div><div><br></div><div><br></div>