- Tíðindi, mentan og ítróttur
Framvegis 60.000 tons eftir av makrelkvotuni
<div>Tað gongst framvegis striltið at fiska makrelin, ið Føroyar hava ásett sær. Sambært nýggjasta yvirlitinum hjá Fiskiveiðieftirlitinum, ið Vágaportalurin endurgevur, hava føroysk skip fiskað tilsamans 73.500 tons av heildarkvotuni.</div><div><br></div><div>Tá makrelkvotan til Russlands og Ísland eru farnar burturav, er føroyska eginkvotan góð 134.000 tons, og tí eru framvegis 60.000 tons av makreli eftir at fiska.</div><div><br></div><div><b>Finnur Fríði fiskað mest</b></div><div><br></div><div>Sambært yvirlitinum hjá Fiskiveiðieftirlitinum hevur Finnur Fríði fiskað nógv tann størsta partin av makrelinum. Finnur Fríði hevur fiskað 17.400 tons, Norðborg hevur umleið 12.000 tons, og Tróndur í Gøtu hevur fiskað 10.500 tons av makreli.</div><div><br></div><div>Í makrelfiskiskapinum í summar hava skipið higartil fingið 11.500 tons av norðhavssild sum hjáveiðu. Makrelskipini royna í løtuni í ein landnyrðing úr Fugloynni. </div><div><br></div>
