- Tíðindi, mentan og ítróttur
Norðmenn byggja nýtt havrannsóknarskip
<p>Meðan føroyingar drála við at byggja nýtt havrannsóknarskip, fara norðmenn at seta umleið eina hálva milliard krónur av til nýtt havrannsóknarskip, sum eftir ætlan skal verða liðugt í 2016. Skipið skal avloysa Fridtjof Nansen, sum hevur umleið 20 ár á baki, skrivar Intrafish.</p><div><br></div><div><b>Við í útlendskum verkætlanum</b></div><div><br></div><div>Umframt at gera havrannsóknir í norskum sjógvi, skal nýggi Fridtjof Nansen eisini vera við í afrikanskum verkætlanum, sum m.a. skulu forða fyri ovurveiðu. </div><div><br></div><div>Verkætlanin, sum gongur undir heitinum EAF-Nansen-ætlanin, varð stovnað í 1971, m.a. av ST-matvørustovninum, FAO. Hon hevur umfatað 60 lond í Afrika, Asia og Suðuramerika. Verkætlanin fór úr gildi í fjør, men avgjørt varð at leingja hana til 2014, meðan bíðað verður eftir avgerðini at byggja nýtt havrannsóknarskip.</div><div><br></div><div><b>440 mió. kr.</b></div><div><br></div><div>Norski menningarmálaráðharrin, Heikki Holmås, kunngjørdi fyrrapartin, at farið verður at byggja nýtt havrannsóknarskip fyri 440 milliónir kr. Peningur verður játtaður á fíggjarlógini næstu fýra árini.</div><div><br></div><div><br></div><div><br></div>
