Sanatoriið í Hoydølum karmur um festival fyri tónlistaligar marginalar

Í 2023 og 2024 var ein alternativur tónleikafestivalur í Tórshavn, ið æt Skrapt. 

Ravlitt DARR tekur arvin frá Skrapt víðari og fer heilt út í marginalarnar tann 13. og 14. november 2026, tá eksperimenterandi og elektroniskur tónleikur og ljóðlist vera í fokus.

Konsertir vera hesi kvøldini í Sanatoriinum í Hoydølum, har Joan Sørensen úr Grønu Matveitingini og Poul Andrias Ziska frá Paz í løtuni eru í holt við at flyta inn í køkin á grundhæddini við teirra nýggja átaki, sum eitur 'Matvitin'. 

Hetta vikuskiftið verður latið upp fyri køkinum, meðan Ravlitt DARR sleppur at sláa seg leyst í hølunum.

Í dagtímunum verður skipað fyri tveimum fakligum tiltøkum í Gentukostdeildini í Hoydølum. 

• Verkstova í field recordings (útiupptøkum) fyri nýbyrjarar.
• Práti/kjaki um kynsdynamikkin í tónleikaumhvørvinum við tøkniligari verkstovu í ljóði/óljóði.

Ravlitt DARR

15 nøvn kunngjørd

Higartil eru 15 nøvn kunngjørd, sum øll hava tað í felag, at tey arbeiða eksperimenterandi. 

Úr Føroyum:

• Silvurdrongur
• Anna Katrin Egilstrøð
• Heðin Ziska Davidsen
• Supervisjón
• HÚS
• Hannsjálvur
• Vavað
• James Blames
• Awl
• Nygatoria
• Strident

Úr Íslandi:

• Ronja
• R.M. Hendrix

Úr Svøríki:

• Lokalfrågan

Úr Tunesia/Danmark:

• 100

Fyriskipararnir boða frá, at fleiri nøvn fara at koma á skránna. 

Eggja til nýskapan

Yvirskipaða og langsiktaða endamálið við Ravlitt DARR er:

• at styrkja føroysku tónleikavinnuna við at menna kreativar og tvørlistaligar tilgongdir,
• at seta á stovn eitt langtíðar átak fyri javnstøðu og talentmenning í útjaðaranum av føroyska tónleikalívinum,
• og at lata upp fyri eggjandi møguleikum í ljóðlist, eksperimenterandi tónleiki og ljóðtøkni í einum felagsskapi, sum tekur støði í FLINTA* umboðan.

Ravlitt DARR

Tað ber til at fylgja og fylgja við Ravlitt DARR á sosialu miðlunum:

Instagram

Facebook