10 vilja vera stjóri á Gjaldstovuni

Átta menn og tvær kvinnur vilja vera stjóri á Gjaldstovuni.

Freistin at søkja starvið var úti í gjár.

Tað var í august, at Fíggjarmálaráðið boðaði frá, at Leif Abrahamsen fer frá sum stjóri á Gjaldstovuni 1. november.

Hann fer frá eftir at hava røkt starvið í ikki minni enn 35 ár.

Leif Abrahamsen tók við starvinum sum stjóri á Gjaldstovuni fyrst í 1991, og hevur sitið í starvinum síðani, burtursæð frá einum farloyvi frá 2017 til 2018.