- Tíðindi, mentan og ítróttur
Eingin tikin fyri herverkið á Tjóðpallinum
<div>Enn veit politiið ikki, hvør framdi herverkið á Tjóðpallinum í gjáranáttina.</div><div><br></div><div>Politiið hevur avhoyrt fleiri fólk - starvsfólk hjá Tjóðpallinum og fólk í grannalagnum - men enn er ongin handtikin í málinum, sigur Hildur Hentze, varaleiðari á Kriminaldeildini.</div><div><br></div><div><b>Tryggjað spor</b></div><div><br></div><div>Politiið hevur gjørt kanningar á Tjóðpallinum og hevur tryggjað spor av fingramerkjum og dna-spor. Tey eru send til Danmarkar til nærri kanningar, men úrslitini av teimum verða ikki greið fyrr enn um nakrar vikur.</div><div><br></div><div>Herverkið er framt millum klokkan 21 sunnukvøldið og klokkan 7 í gjáramorgunin. Tann, sum hevur gjørt herverkið, hevur m.a. skorið hol á teppir, skrætt leikbúnar og skorið el-leidningar sundur. Eisini hevur gólvið fingið skaða, tí gerningsfólkið hevur lagt eina slangu við rennandi vatni á gólvið.</div><div><br></div><div>Politiið heitir á fólk, sum hava varnast nakað óvanligt nærhendis Tjóðpallinum frá sunnukvøldinum til mánamorgunin, um at venda sær til politiið.</div><div><br></div><div><b>Ivasamt við leiki</b></div><div><br></div><div>Eftir ætlan skuldi ein ungdómsleikur frumframførast á Tjóðpallinum hóskvøldið. Jenny Petersen, stjóri á Tjóðpallinum, sigur, at enn vita tey ikki, um leikurin kann framførast hóskvøldið, ella um hann má útsetast. Tey mugu millum annað kanna, um ljóð- og ljósútgerðin virkar, sum hon skal.</div><div><br></div>
