- Tíðindi, mentan og ítróttur
Salmar tvífaldar alingina í Noregi
<p>Norska alifyritøkan Salmar, sum eisini eigur í Bakkafrosti, ætlar at tvífalda laksaalingina í 2025. Fleiri enn 10 prosent kunnu verða vistfrøðiligur laksur.</p><div><br></div><div>Væntandi verður vøksturin næstu 13 árini seks prosent um árið, og Salmar væntar at taka 210.000 tons av laksi í 2025. Næsta ár væntar felagið at ala 7.000 tons av vistfrøðiligum laksi, men í 2025 verður hesin parturin av virkseminum hjá Salmar 21.000 tons.</div><div><br></div><div><b>Alingin kann vaksa munandi</b></div><div><br></div><div>Nýggjar metingar vísa, at góðir møguleikar eru at økja laksaalingina munandi næstu 40 árini. Í løtuni verða ald ein millión tons um árið, men alingin kann vaksa upp í fimm milliónir tons um árið.</div><div><br></div><div>Salmar eigur 25 prosent av Bakkafrosti, men hevur forkeypsrætt til fýra prosent afturat. </div>
