Starvsfólk flutt av sendistovu í Stokkhólmi

Líkt er til, at hvítt pulvur var í einum brævi, sum varð sent amerikansku sendistovuni í svenska høvuðsstaðnum

150 starvsfólk starvast á amerikansku sendistovuni í Stokkhólmi. Tey vórðu øll flutt úr bygninginum fyrrapartin, tí sendistovan eftir øllum at døma hevur fingið eitt gátuført bræv.

Johnsigurd Johannesen

17.10.2012 - 16:40

<p>Starvsfólkið á amerikansku sendistovuni í Stokkhólmi varð fyrrapartin flutt av sendistovuni, tí hon hevði fingið eitt illgrunavert bræv.</p><div><br></div><div>Løgreglan vil lítið og einki siga um málið, men ein talskvinna fyri sløkkiliðið sigur við blaðið Expressen, at hvítt pulvur lak úr brævinum. Økið uttan um sendistovuna er byrgt av, og bumbuserfrøðingar kanna innihaldið í brævinum. </div><div><br></div><div><b>150 starvsfólk</b></div><div><br></div><div>Umleið 150 fólk starvast á amerikansku sendistovuni í svenska høvuðsstaðnum. Ein talsmaður fyri sendistovuna sigur, at starvsfólkið varð flutt burtur, tí vandi var fyri trygdini, sum hann tekur til. </div><div><br></div><div>Løgreglan hevur ikki váttað upplýsingar hjá svensku tíðindastovuni, TT, um at hvítt pulvar varð sent sendistovuni, men ein løgreglumaður sigur, at í brævinum var tilfar, sum ikki vanliga verður sent einari sendistovu. </div>