- Tíðindi, mentan og ítróttur
Kunnu draga tapið í FaroeJet frá
<div>Tey, sum áttu partabrøv í FaroeJet, kunnu draga tapið frá í uppgerðini fyri kapitalvinning í 2012. Tað upplýsir Taks.</div><div><br></div><div>Í januar í fjør varð endaliga staðfest, at partabrøvini í FaroeJet vóru farin fyri skeytið. Felagið fór á húsagang, og partabrøvini vóru tí einki verd longur. Er tapið av partabrøvunum í Faroejet størri enn annar kapitalvinningur, tá rentuinntøkur eru taldar við, kann hallið flytast fram til komandi ár líka til hallið er brúkt upp. </div><div><br></div><div>Sambært lógini um kapitalvinning er einki mark fyri, hvussu nógv ár slíkt hall kann flytast fram, sigur Taks.</div><div><br></div><div><b>Settu 25 mió. kr. í felagið</b></div><div><br></div><div>Trotabúgvið P/f FaroeJet varð endað í Skiftirættinum hálvan desember í 2011. Knappliga 2,3 prosent fingu tey, sum áttu pengar hjá felagnum. Starvsfólkini fingu tó alla sína frítíðarløn, 840.000 kr., tí lønarkrøv hava frammíhjárætt, tá feløg fara á húsagang. </div><div><br></div><div>Flogfelagið FaroeJet varð stovnað beint fyri jól í 2005. 950 íleggjarar settu 25 milliónir krónur í felagið.</div><div><br></div><div>Flogfarið hjá felagnum, Sólja, setti seg fyrstu ferð í Vágum 14.mai í 2006. Sjey mánaðir seinni vóru tær 25 milliónirnar uppi, og felagið fór í gjaldssteðg. </div><div><br></div><div>24.september í 2007 lýsti Skiftirætturin felagið at vera farið á húsagang.</div><div><br></div>
