- Tíðindi, mentan og ítróttur
Tænastumenn kosta landskassanum 3,4 mia. kr.
<div>Eftirlønarskyldan hjá landskassanum mótvegis tænastumannastørvum røkkur langt út í framtíðina, tí okkurt um 900 tænastumenn ella fyrrverandi tænastumenn, sum eiga rætt til eftirløn, eru framvegis á arbeiðsmarknaðinum.</div><div><br></div><div>Tað hevði kostað landskassanum tríggjar milliardir og 460 milliónir krónur, skuldi landið í dag keypt seg leyst frá skylduni at rinda tænastumonnum eftirløn. Eftirlønin kostar tríggjar milliardir og 860 milliónir, men statskassin eigur tær 400 milliónirnar, so eftir hjá landskassanum eru 3,46 mia. kr. </div><div><br></div><div>Tað hevur ein aktuarur, ein tryggingarfrøðingur, roknað út fyri Gjaldstovuna. </div><div><br></div><div>Talið er nevnt í Landsroknskapinum fyri 2012. Roknað er við einum prosenti í rentu, tá skyldan hjá landskassanum er roknað. Okkurt um 1500 tænastumenn eiga eftirløn hjá landskassanum. </div><div><br></div><div><b>Ikki skrásett</b></div><div><br></div><div>Í 2005 gjørdi Landsgrannskoðanin vart við, at hendan risastóra útreiðslan hjá landskassanum var onga staðni skrásett. Og fyri einum ári síðani kundi Fíggjarmálaráðið so koma við einum tali. </div><div><br></div><div>Lógin sigur, at tá tænastumaður fer frá við eftirløn, hevur landskassin skyldu til at rinda eftirløn, so leingi tænastumaðurin livir, og eftir tað rinda eftirløn til hjúnafelaga og børn undir 21 ár.</div><div><br></div><div><b>Tænastumannastarvið tikið av</b></div><div><br></div><div>Nú verða fólk ikki longur sett í tænastumannastørv, men eftirlønarskyldan hjá landskassanum røkkur langt út í framtíðina, tí okkurt um 900 tænastumenn ella fyrrverandi tænastumenn, sum eiga rætt til eftirløn, eru framvegis á arbeiðsmarknaðinum.</div><div><br></div><div>Harafturat veðheldur landskassin fyri teimum elstu eftirlønartryggingunum hjá Lív. Landskassaveðhaldið var í 2011 ein milliard og góðar 200 mió. kr.</div><div><br></div><div><br></div>
