Talið á løntakarum er lækkað

Hetta eru 72 færri enn í mars og tað minsta seinasta árið. Afturgongdin í mun til mars er 0,3%.

Tá hugt verður eftir løntakarum eftir vinnugrein, ber ikki til at árstíðarjavna, tí sveiggini í fiskivinnuni eru so stór og óreglulig. Tá er frægasti hátturin at samanbera við sama mánaða árið fyri.
Í fiskivinnuni vóru 168 løntakarar færri í mun til apríl 2012. Eisini bygginvinnan hevur afturgongd verið -  60 færri løntakarar sum svarar til eina minking upp á 2%.

Tænastuvinna og ráevnisvinna
Tænastuvinnurnar, bæði privatar og almennar, hava eina framgongd upp á gott 1%.

Ein av teimum lítlu vinnugreinunum er ráevnisvinna, tilsamans eru bert 0,4% av løntakarunum í føroysku ráevnisvinnuni, men gongdin seinastu mongu árini er ein javnur vøkstur og fyri fyrstu ferð nakrantíð vóru tað yvir 100 løntakarar í hesi vinnugreinini.

Í apríl 2013 vóru 102 fólk sum høvdu sítt høvuðsstarv í ráevnisvinnuni. Harumframt eru fleiri føroyingar í starvi í vinnum sum veita ráevnisvinnuni tænastur, til dømis í sjóflutningi.