Gull í blandaðum tvímansleiki

Gull í blandaðum tvímansleiki
Rannvá Carlsson og Niklas Eysturoy vunnu gull í blandaðum tvímansleiki í badminton á oyggjaleikunum
Rannvá Carlsson og Niklas Eysturoy hava vunnið gull í blandaðum tvímansleiki á oyggjaleikunum
 
19.07.2013 - 21:00

Tað sum ikki eydnaðist í tvímansleiki hjá kvinnum, eydnaðist í dystinum beint aftaná. Rannvá Djurhuus Carlsson og Niklas Højgaard Eysturoy vunnu gull í blandaðum tvímansleiki í síðsta dystinum hjá føroysku badmintonleikarunum á Oyggjaleikunum í Bermuda.

Tað var ein tættur og spennandi dystur móti Garbutt og Le Tocq av Guernsey. Guernsey vann fyrsta settið 21-19, men síðani vunnu Rannvá og Niklas annað sett 21-10. Síðsta og avgerandi settið gjørdist sera javnt og spennandi, men at enda drógu okkara fólk longra stráið og vunnu gull.

Í tvímansleiki hjá kvinnum móti Clague og Callow av Guernsey, vóru systrarnar Brynhild og Rannvá Djurhuus Carlsson væl við í fyrsta setti. Tær fingu eina góða byrjan og vóru eisini frammanfyri 19-18, men taptu kortini. Annað sett vann Guernsey greitt og harvið eisini gullið.

Hetta hevur verið ein góður dagur hjá Rannvá, tí hon hevur fingið trý heiðursmerki. Fyrr í dag var tað greitt, at hon eisini hevði fingið bronsu í einmansleiki hjá kvinnum, tí kvinnan av Guernsey, sum hon skuldi møta, tók seg aftur vegna skaða. Tað gjørdi samstundis, at Rannvá hevði størri orku til hinar báðar dystirnar.

Er kopiera
Nýggjastu sendingar í ÚV
Leygardag 12. juli
Morgunlestur leygardagur 12.juli 2025
194084
Fríggjadag 11. juli
Praktikanturin: Erika Hentze Niclasen
194337
Fríggjadag 11. juli
Radio Stjernekilde II - part 5
194323
Fríggjadag 11. juli
RagnarRokk: Oskar Holldorff um Shards
194118