Ferðafólk nærum sogið út úr flogfarinum

Eitt flogfar hjá Ryanair neyðlendi í dag í Thessaloniki í Grikkalandi, eftir at ein rútur umborð loysnaði, og eitt ferðafólk nærum varð sogið úr flogfarinum.

Tað skrivar Reuters, sum vísir á tvær keldur, sum hava kunnleika til málið. 

Eitt ferðafólk sigur við Radio Thessaloniki, at maðurin, sum er 61 ára gamal, varð sogin út gjøgnum vindeygað soleiðis, at høvd, hálsur og herðar vóru uttan fyri flogfarið, men at hann lukkutíð var í trygdarbelti. 

Kona hansara og onnur ferðafólk nærindis hildu fast í honum, og megnaðu at enda at toga hann inn aftur í flogfarið.

Í fráboðan staðfestir Ryanair, at eitt vindeyga var leyst í flogfarinum, skrivar grikska tíðindaheimasíðan News24/7.

Sambært lokalum miðlum hevur maðurin fingið nakað av skaða. Hann er skelkaður og fær viðgerð á sjúkrahúsinum.

Tað er enn ógreitt, hví rúturin loysnaði, men grikskir miðlar gita, at rusk frá einum av motorunum í flogfarinum kann hava punkterað rútin.