Føroyingur fingið heiðurstekin í Grønlandi

Lars-Emil Johansen, landstingsformaður, handaði Ann heiðurstekinið í sambandi við at 250 ára dagurin hjá Ummanaq varð hátíðarhildin leygardagin.

Ann Andreassen hevur verið leiðari á barnaheiminum í Ummannaq síðan 1987.

Ann Andreassen hevur útint eitt virðismikið og týðandi avrik sum leiðari á barnaheiminum. Men hon hevur eisini verið ein góður ambassadørur fyri Ummanaq og Grønland, segði Lars-Emil Johansen við handanina sambært grønlendska kringvarpinum.

Eisini ein hjálpari á barnaheiminum fekk heiðurstekin leygardagin. Grønlendski landsstýrisformaðurin, Aleqa Hammond, ið er ættað úr Ummannaq, fekk Narsornaat heiðurstekinið í gulli við sama høvið.