Skip gera royndir við makreli og norðhavssild

Átta skip hava fingið loyvi til at gera royndir við makreli og norðhavssild.

Fýra nótaskip hava fingið felagskvotur, 300 tons av makreli og 200 tons av sild, sum skulu brúkast til at menna trol og pumpuskipan. Harafturat skulu royndir gerast at skilja og góðska makrel.

Verkætlan

Og øll átta skipini eru við í einari verkætlan um at føra væl hagreiddan makrel til lands, har hann skal viðgerast meira og góðskast. Makrelurin skal landast til Vestmanna Seafood, og hann skal brúkast til matna.

Felagskvotan er 1600 tons.