HM-undankappingardystur í útvarpinum klokkan 17:15

HM-undankappingardysturin millum Føroyar og Skotland er søguligur fyri føroyskan fótbólt, tí hetta er fyrstu ferð, at kvinnurnar spæla ein veruligan HM-undankappingardyst.

Føroyar megnaðu fyrr í ár at spæla seg víðari úr undankappingini, og komu í bólk saman við Skotlandi, Póllandi, Svøríki, Bosnia, og Norðurírlandi.

Dysturin í kvøld millum Føroyar og Skotland er tann fyrsti í bólkinum. Dysturin byrjar klokkan 17:15 og útvarpið sendir beinleiðis.

Bólturin er eisini á skránni í dag. Í dag útvarpa vit dystin millum HB og EB/Streym. Fylgt verður eisini við, hvussu tað gongur í hinum dystunum.